ንጥፈታት

ኣብ ትግራይ ትካላት ትምህርቲ ዘምህሩ /ዝሰርሑ/ ሰራሕተኛታት መምህራንን ሰብሞያ ትምህርትን ብፖለቲካ፣ ብዘርኢ፣ ብዓሌት፣ ብከባቢያዊነት ፣ ብፆታ ወዘተ ኣፈላላይ ከይተገበረ ኣብ ሙያ ማሕበር ንክውደቡ ብምግባር ጠንካራ ሕብረት ክህሉ ይገብር፡፡

መሰልን ጥቕምን ኣባላት ንምኽባር ማለት ኣብ ዕብየት ፣ ዝውውር፣ ዲሲፕሊን፣ ዕድል ትምህርትን ወዘተ … ከምኡ እውን ኣባላትን ትምህርትን ብዝምልክቱ ጉዳያት ምስ ቢሮ ትምህርቲ ክልል ትግራይ ቢሮ ዓቕሚ ህንፀት /ስቪል ሰርቪስ ኮሚሽን/ መንግስታዊ ይኹን ዘይመንግስታዊ ትካላት ዓለም ለኸ ትካላትን ነቲ ማሕበር ብምውካል ይሰርሕ፡፡

መሰልን ጥቕምን ኣባላት ንምኽባር ዝወፁ ሕግታት፣ ደንብን ፣ መምርሕታት ወዘተ ብትክክል ኣብ ተግባር ክትርጎሙ ይከታተል፣ በቢ ደረጅኡ ዝተዋቐሩ ማሕበር /ኣመራርሓ ኣካላት/ በቲ ሕጊ መሰረት ንዝገብርዎ ፃዕሪ ኣድላይ ክትትልን ሓገዝ ይገብር፡፡

ካብ ቤት ትም/ቲ ጀሚሩ ክሳብ ላዕለዋት ኣመራርሓ ዘለዉ ናይ ትምህርቲ ኣመራርሓን ምምሕዳር ዲሞክራሲያዊ ኣመራርሓን ኣሰራርሓ ከዕብዩ ምውዳድ ብዘለዋ መልክዑ ናይ ስራሕ ምንቅስቃስ ይገብር፡፡ ናይ መምህራንን ማሕበርን ተዳትፎ ብዘዕግብ ኩነታት ክጠናከር ይገብር፡፡

ዕድምኦም ንትምህርቲ ዝበፅሑ ህፃናት ናብ ቤት ትምህርቲ ክኣትውን ጉልበቶም ከይብዝበዙ ብፅሒቱ ይዋፃእ፡፡

ንትምህርቲ ስራሕ ውፅኢታዊነት ናይ ተምሃሮ ትምህርቲ ኣቀባብላ ኩነታት ክትትል ይገብር፣